95 saylı Zərdab-Kürdəmir-Ucar seçki dairəsindən namizədliyini irəli sürmüş , professor, Jalə Əliyevaya ağır itki üz verib.
Qanunla.Az xəbər verir ki, Jalə Əliyevanın bibisi filologiya elmləri doktoru, Tərəqqi medallı, Bakı Dövlət Universitetinin Azərbaycan ədəbiyyatı kafedrasının professoru, Əməkdar müəllim İfrat xanım Əliyeva bu gecə haqqın dərgahına qovuşub.
Bu barədə Jalə Əliyeva Facebook səhifəsində paylaşıb:
Əziz bibim, 88 illik ömrünün 70 ilini Bakı Dövlət Universitetinə bağlamış, uzun illər universitetin kafedra müdürü, dekanı, prorektoru vəzifələrində işləmiş, bir ömür boyu Ana deyəni olmasa da, minlərlə gəncin Bakıda böyüyüb, təhsil alıb, yetişməsi üçün onlara müəllim yox Ana olmuş, Zərdabın tanınmış bəy nəslinin – Əliyev qardaşlarının böyük nəslinin son Qoca Çinarı, filologiya elmləri doktoru, professor, Tərəqqi medallı, Əməkdar müəllim İfrat xanım Əliyeva bu gecə haqqın dərgahına qovuşub.
Mərhumla vida mərasimi bu gün saat 14-də Bakı şəhərində, yaşadığı Nizami küçəsi 39 ünvanında keçiriləcək. 3 mərasimi 2 sentyabr, bazar ertəsi günü Təzəpir Məscidində keçiriləcək.
Ruhuna dualara.
Allah rəhmət eləsin!
