Bakı, o cümlədən Azərbaycanın bir çox qədim şəhərləri öz memarlığı ilə fərəhlənə bilər
2026-cı il mayın 18-də Bakı şəhərində keçirilən 13-cü Ümumdünya Şəhərsalma Forumunda Azərbaycan Prezidenti cənab İlham Əliyev çıxışı zamanı ölkəmizin qədim şəhərlərinin zəngin memarlıq irsindən danışdı. Prezident qeyd etdi ki, Bakı, o cümlədən Azərbaycanın bir çox qədim şəhərləri öz memarlığı ilə fərəhlənə bilər. Bu fikir Azərbaycanın tarixə, mədəniyyətə və milli irsə verdiyi önəmi bir daha göstərdi.
Azərbaycan qədim tarixi olan ölkələrdən biridir. Əsrlər boyu burada inşa edilən qalalar, məscidlər, karvansaralar və saraylar xalqımızın yüksək memarlıq mədəniyyətindən xəbər verir. Bu abidələr bu gün də qorunur və ölkəmizin gözəlliyini daha da artırır. Bakı şəhəri qədimliklə müasirliyin birləşdiyi nadir şəhərlərdən biridir. İçərişəhərin qədim küçələri, daş binaları və tarixi abidələri Bakının keçmişini yaşadır. Qız qalası və Şirvanşahlar Sarayı həm yerli sakinlərin, həm də xarici turistlərin böyük marağına səbəb olur. Müasir binalar və geniş prospektlər isə paytaxtın sürətli inkişaf etdiyini göstərir. Azərbaycanın digər qədim şəhərləri də öz memarlıq gözəlliyi ilə seçilir. Şəki şəhərində yerləşən Xan Sarayı incə naxışları və qədim üslubu ilə dünyada tanınır. Gəncə və Naxçıvan şəhərlərində də qədim məscidlər, türbələr və tarixi tikililər qorunub saxlanılır. Bu abidələr Azərbaycanın zəngin mədəniyyətini gələcək nəsillərə çatdırır.
Son illərdə ölkəmizdə tarixi memarlıq nümunələrinin bərpasına xüsusi diqqət yetirilir. Dövlət tərəfindən həyata keçirilən layihələr nəticəsində bir çox qədim abidələr yenidən bərpa olunur və əvvəlki gözəlliyini qaytarır. Bu işlər həm tariximizin qorunmasına, həm də turizmin inkişafına böyük töhfə verir.
Bakıda keçirilən Ümumdünya Şəhərsalma Forumu dünyanın müxtəlif ölkələrindən gələn qonaqlara Azərbaycanın memarlıq zənginliyini yaxından görmək imkanı yaratdı. Forum bir daha göstərdi ki, Azərbaycan həm qədim irsini qoruyan, həm də müasir inkişaf yolunda uğurla irəliləyən ölkədir. Qədim şəhərlərimizin memarlıq gözəlliyi xalqımızın tarixini, mədəniyyətini və milli dəyərlərini yaşatmağa davam edir.
Zərdab rayon Gəlmə kənd sakini, gənc fəal-Ziya Tağızadə
