Həftə sonuna kimi Rusiyanın Ural və Sibir regionlarının 12 rayonunda anomal soyuqlar gözlənilir. Havanın temperaturu iqlim normasından 7-11 dərəcə aşağı olacaq.
Qanunla.Az xəbər verir ki, bu barədə Rusiya Hidrometeorologiya Mərkəzinin rəhbəri Roman Vilfanda deyib.
Sinoptik bildirib ki, Uralın şimalında xüsusilə soyuq və qarlı hava gözlənilir:
“Yamalo-Nenets və Xantı-Mansi Muxtar dairələrində havanın temperaturu normadan 10 dərəcə aşağı olacaq.
Sibirin Omsk, Tomsk, Novosibirsk və Kemerovo vilayətləri, Altay diyarı və Xakasiya kimi əhalinin sıx məskunlaşdığı ərazilərində də +2 dərəcədən -4 dərəcəyə kimi kəskin soyuqlar gözlənilir ki, bu da iqlim normasından 7-11 dərəcə aşağıdır”.
O əlavə edib ki, şaxtalar Kurqan, Sverdlovsk, Çelyabinsk vilayətlərində, eləcə də Tümen vilayətinin cənubunda da müşahidə olunacaq.
