Brüsselin Kiyevə təhvil verdiyi F-16 qırıcıları yalnız Ukrayna ərazisində istifadə oluna bilər.
Qanunla.Az xəbər verir ki, bunu ABŞ-a səfəri zamanı Belçikanın Baş naziri Aleksandr de Kroo deyib.
“Müqavilə çox aydındır. Söhbət ukraynalıların Ukrayna ərazisində istifadə edə biləcəyi döyüş təyyarələrindən gedir. Bu, bağlandığımız müqavilənin şərtidir və mən ona riayət etmək istəyirəm”, – baş nazir bildirib.
Qeyd edək ki, Belçika 2028-ci ilə qədər Ukraynaya 30 ədəd F-16 tədarük edəcək.
