Azərbaycan Xarici İşlər Nazirliyi Türkiyənin Mersin şəhərində çoxsaylı insan tələfatı ilə nəticələnən yol qəzası ilə bağlı başsağlığı verib.
Qanunla.Az xəbər verir ki, bu barədə Azərbaycan XİN-in X hesabında paylaşım edilib.
“Mərsin magistral yolunda çoxsaylı insanın vəfat etməsi və yaralanması ilə nəticələnən qəza xəbəri bizi dərindən kədərləndirdi. Qəzada həlak olan insanlara Allahdan rəhmət, yaralılara şəfa diləyirik”, – paylaşımda bildirilibş
Qeyd edək ki, dünən Tarsus-Adana-Qaziantep magistralında 4 avtomobilin toqquşması nəticəsində 10 nəfər ölüb, 40 nəfər xəsarət alıb. Xəsarət alanlardan 9-nun vəziyyəti ağır qiymətləndirilir.
