120 ölkəni birləşdirən Qoşulmama Hərəkatına 4 il sədrliyimiz onu nümayiş etdirir ki, biz yaxşı nəticə hasil edə biləcək ölkəyik
Bir çox Avropa ölkəsi ilə fəal əməkdaşlıq əlaqəsi mövcuddur. Avropa İttifaqının 10 üzvü rəsmi olaraq Azərbaycanın strateji tərəfdaşıdır.
Avropa İttifaqının 10 üzv dövləti (Macarıstan, Polşa, Litva, Latviya, Estoniya, Xorvatiya, Bolqarıstan, Çex Respublikası, Slovakiya və Sloveniya) Azərbaycanla rəsmi olaraq strateji tərəfdaşlıq sazişləri imzalamışdır. Bu sazişlər iki tərəf arasında iqtisadi, enerji, siyasi və mədəni sahələrdə əməkdaşlığı dərinləşdirmək məqsədi daşıyır. Avropa İttifaqının üzv ölkələri ilə strateji tərəfdaşlığın əsas istiqamətlərindən biri enerji təhlükəsizliyidir. Xüsusilə Cənub Qaz Dəhlizi layihəsi Azərbaycan qazının Avropaya nəqlini təmin edərək Avropa enerji bazarında Azərbaycanın rolunu gücləndirir və enerji təminatının diversifikasiyasına töhfə verir.
Azərbaycan və tərəfdaş ölkələr arasında iqtisadi sahədə qarşılıqlı investisiyalar, ticarət əlaqələrinin inkişafı və infrastruktur layihələri həyata keçirilir. Bu əməkdaşlıq Azərbaycanın Avropa bazarlarına çıxışını genişləndirməklə iqtisadi inteqrasiyanı artırır.
Strateji tərəfdaşlıq sazişləri siyasi dialoqun gücləndirilməsi, regional təhlükəsizlik və sabitlik məsələlərində birgə fəaliyyət üçün mühüm çərçivə yaradır. Azərbaycan, tərəfdaş ölkələr ilə birlikdə beynəlxalq arenada bir-birinin maraqlarını müdafiə etmək üçün daha sıx əməkdaşlıq edir.
Azərbaycan Avropa ilə Asiya arasında bir tranzit ölkə kimi mühüm rol oynayır. Bu tərəfdaşlıq nəqliyyat dəhlizlərinin inkişafına, xüsusilə Bakı-Tbilisi-Qars dəmiryolu və digər logistika layihələrinin genişlənməsinə xidmət edir.
Azərbaycan ilə Avropa İttifaqının üzv dövlətləri arasında mədəni və humanitar sahələrdə də əlaqələr möhkəmlənir. Təhsil, turizm və elm sahəsində mübadilə proqramları ölkələr arasında əlaqələrin dərinləşməsinə töhfə verir.
Nəticə olaraq, Avropa İttifaqının 10 üzv ölkəsi ilə Azərbaycanın strateji tərəfdaşlığı ölkənin iqtisadi, enerji, nəqliyyat və siyasi sahələrdə mövqelərini gücləndirməklə yanaşı, Avropa ilə daha sıx inteqrasiyaya imkan yaradır. Həmçinin Azərbaycanın sədrliyi dövründə çoxtərəfli əməkdaşlığın gücləndirilməsi, BMT çərçivəsində ədalətli yanaşma və suverenliyə hörmət prinsiplərinin təşviqi başlıca mövzular oldu. Bu, Azərbaycanın beynəlxalq hüquq və qlobal ədalətə bağlılığını təsdiqlədi.
Azərbaycan sədrliyi zamanı inkişaf etməkdə olan ölkələrin birgə maraqlarını müdafiə etdi, xüsusilə inkişaf və iqtisadi bərpa proseslərində daha geniş əməkdaşlığın təmin olunmasına yönələn tədbirlər təşkil etdi. Bu, Azərbaycanın qlobal problemlərin həllində aktiv iştirakçı olduğunu göstərir.
Azərbaycan Qoşulmama Hərəkatı çərçivəsində sülh və təhlükəsizlik məsələlərində fəal iştirak etdi və qlobal sülhün qorunmasında öz töhfəsini verdi. Bu sədrlik, Azərbaycanın beynəlxalq məsələlərdə daha geniş sülhsevər siyasət yürütmək potensialını ortaya qoydu.
Nəticə olaraq, Azərbaycanın Qoşulmama Hərəkatına sədrliyi, onun beynəlxalq arenada öz sözünü demə qabiliyyətinə və qlobal miqyasda nəticələr əldə etmək potensialına malik olduğunu sübut edir. Bu, Azərbaycanın diplomatik və strateji qabiliyyətlərinin inkişafının açıq bir göstəricisidir.
Gülər Oqtaylı – Zərdab Peşə Liseyinin psixoloqu
Münaqişəyə nəhayət son qoyuldu.
Ermənistanın növbəti hərbi təcavüz cəhdinə cavab olaraq Azərbaycan Ordusu əks-həmlə əməliyyatına başladı və 44 gün davam edən Vətən müharibəsi nəticəsində Ermənistan ordusunu məhv etməyə, onu diz çökdürməyə, işğal altında olan əraziləri azad etməyə nail oldu. Ali Baş Komandan, Azərbaycan Respublikasının Prezidenti İlham Əliyevin rəhbərliyi ilə müzəffər Azərbaycan Ordusu tərəfindən icra edilmiş “Dəmir Yumruq” əməliyyatı Azərbaycan xalqının tarixinə qızıl hərflərlə yazıldı, işğalçılığı, nasizmin şöhrətləndirilməsini dövlət siyasətinə çevirən Ermənistanın təslim olması ilə nəticələndi. Döyüş meydanında qazanılmış Qələbə düşməni məcbur etdi ki, ağ bayraq qaldırsın və təslim olsun, kapitulyasiya aktına imza atsın. Noyabrın 10-da imzalanmış sənəd məhz Ermənistanın kapitulyasiya aktıdır. Beləliklə, bu sənədə əsasən Ağdam, Kəlbəcər və Laçın rayonları şəhid vermədən azad edildi. Zəngəzur dəhlizinin yaradılması tarixi zərurətə çevrildi. 2023-cü il aprelin 23-də növbəti tarixi hadisə baş verdi. Laçın rayonunda, Azərbaycan-Ermənistan sərhədində sərhəd-buraxılış məntəqəsi quruldu. Bununla da Azərbaycanın ərazi bütövlüyünün tam bərpası prosesi başa çatdı. Ermənistanın Laçın yolundan sui-istifadəsinə, silah və sursatların daşınmasına və digər qanunsuz əməllərinə son qoyuldu. Azərbaycan Respublikasının Prezidenti, Ali Baş Komandan İlham Əliyev 2023-cü il oktyabrın 15-də Xankəndi şəhərində, Xocalı şəhərində, Xocalı rayonunun Əsgəran qəsəbəsində, Xocavənd şəhərində və Ağdərə şəhərində Azərbaycan Respublikasının Dövlət Bayrağını ucaltdı. Silahlı Qüvvələrimizin Ali Baş Komandanı Ermənistanın baş nazirinin “Qarabağ Ermənistanın hissəsidir və nöqtə” bəyanatının yal biran olduğunu vurğulayaraq dedi: “Qarabağ tarixi, əzəli Azərbaycan torpağıdır. Beləliklə, Qarabağ Azərbaycandır və nida işarəsi”.
Rüxsarə Eminova – Körpükənd kənd tam orta məktəbin direktoru
Azərbaycan İtaliyanın bir nömrəli neft və iki nömrəli qaz təchizatçıdır
Cari ilin sentyabr ayının 6-da cənab Prezident İlham Əliyev “Dünya, Avropa və İtaliya haqqında bilgilər” mövzusuna həsr olunmuş Beynəlxalq Çernobbio Forumunda “Yeni geosiyasi şəraitdə Azərbaycanın rolu” adlı sessiyada çıxışında qeyd etdi ki, “Uzun illər ərzində Azərbaycan və İtaliya strateji tərəfdaşlar kimi fəaliyyət göstərirlər. Müvafiq bəyannamə təqribən 10 il əvvəl qəbul edilib. Bizim əməkdaşlığımız bir çox sahəni əhatə edir. Bizim müntəzəm siyasi təmaslarımız var. Yüksək səviyyəli siyasi təmaslarımız bizim yaxın siyasi tərəfdaş olduğumuzu nümayiş etdirir. Azərbaycan İtaliyanın bir nömrəli neft və ikinci ən böyük qaz təchizatçısıdır. İtaliya Azərbaycanın dünyada bir nömrəli ticarət tərəfdaşıdır. Ötən il bizim ticarət dövriyyəmiz 16 milyard ABŞ dollarına yaxın olub. Azərbaycandan İtaliyayadək uzanan, Cənub Qaz Dəhlizi adlanan 3500 kilometrlik inteqrasiya edilmiş boru kəməri sistemi bu gün 10 ölkənin enerji təhlükəsizliyini təmin edir”
Avropanın ən böyük iqtisadiyyata malik olan ölkələrindən olan İtaliya ilə əməkdaşlıq əlaqələrini genişləndirmək Azərbaycan üçün olduqca önəmlidir. Ölkə Prezidenti cənab İlham Əliyev öz çıxışlarında İtaliyanın Azərbaycanla qurduğu əməkdaşlıq münasibətlərinin digər Avropa ölkələri üçün də əsl örnək ola biləcəyini dəfələrlə qeyd etmişdir.
Nübar Qurbanova – Körpükənd kənd tam orta məktəbin müəllimi
