Növbəti həftə (12,14 və 15 sentyabr tarixləri) daha 3 rayonda “Azəriqaz” İB-nin “Açıq mikrofon” aksiyası keçiriləcək.
Qanunla.Az xəbər verir ki, aksiya həftənin 2-ci günü saat 11:00-dan 12:00-dək Qobustan rayonu, Ərəbşalbaş kəndində (İcra nümayəndəliyinin qarşısı), 4-cü günü saat 13:00-dan 14:00-dək İsmayıllı rayonu, Topçu kəndində (İcra nümayəndəliyinin qarşısı), 5-ci günü isə saat 11:00-dan 12:00-dək Şamaxı rayonu, Çuxuryurd kəndində (Mədəniyyət Evinin qarşısı) baş tutacaq. Vətəndaşlar qeyd olunan ünvanlara yaxınlaşaraq “Açıq mikrofon” aksiyasının imkanlarından maksimum istifadə edərək, öz problem və təkliflərini rahat şəkildə ifadə edə bilərlər.
