Rusiya Prezidenti Vladimir Putin Yaroslavl vilayətinin qubernatoruna Mixail Yevrayevə məsləhət verib.
Qanunla.Az xəbər verir ki, Putin videokonfrans vasitəsilə ölkədə məktəblərin əsaslı təmiri proqramı ilə bağlı müşavirə keçirib.
Yaroslavl qubernatoru vilayətdə əsaslı təmir edilən 32 nömrəli məktəb barədə prezidentə məlumat verib.
O, həmçinin bildirib ki, rayonun digər məktəblərində olduğu kimi, bu məktəbdə də onun tapşırığı ilə ibtidai siniflərdə icbari şahmat dərsi keçirilir:
“Biz hamının böyük şahmatçı olmasını yox, oğlan və qızlarımızın ağıllı olmasını istəyirik”.
Putin isə öz növbəsində qeyd edib:
“Şahmatda qarşınıza iddialı məqsədlər qoysanız, nə vaxtsa onlara nail olacaqsınız”.
