Almatıda Azərbaycanla xarici işlər nazirləri səviyyəsində danışıqlar konstruktiv şəraitdə keçib.
Qanunla.Az xəbər verir ki, bunu Ermənistanın xarici işlər naziri Ararat Mirzoyan ATƏT-in hazırkı sədri Yan Borqla İrəvanda keçirdiyi mətbuat konfransında deyib.
Onun sözlərinə görə, XİN-in qiymətləndirməsi Qazaxıstanda aparılan danışıqların yekunlarına dair press-relizdə öz əksini tapıb:
“Proses dəfələrlə bəyan etdiyimiz prinsiplər əsasında davam edir”.
O qeyd edib ki, əlavə şərhlər üçün heç bir əsas yoxdur.
