Baş nazir qeyd edib ki, bizim faktiki KTMT-də iştirak etməməyimiz donmuş münasibətləri ifadə edir.
Qanunla.Az xəbər verir ki, bu barədə Ermənistan parlamentinin spikeri Alen Simonyan bildirib.
Spikerin sözlərinə görə, Ermənistanın KTMT-yə verdiyi sual cavabsız qalıb: “KTMT-nin məsuliyyət sahəsi nədir? Gəlib görmək istəmirsiniz ki, bu nədir? Ermənistanın sərhədini bilirsinizmi? Ermənistan hansı sərhəddən KTMT-yə üzv olub? O suala cavab olana qədər KTMT özü əlaqəsini kəsib və işləmir”.
Simonyan jurnalistin “Ermənistan niyə KTMT-dən çıxmır?” sualına belə cavab verib: “Gözləyirik, görək nə olacaq. Çox şey var ki, deyə bilmərəm, amma mən və Ermənistan rəhbərliyi hər bir vətəndaşın KTMT-yə olan qəzəbini və münasibətini tam bölüşürük.
Daim hansısa ölkəyə bağlı olmağı xəyal etməyimizin məntiqini anlamıram. Biz əvvəlcə belə etdik və məqamı gələndə müttəfiqimizin həm də çox şeylərə göz yumduğunu gördük”.
