Bu gün Vətən müharibəsində qəhrəmancasına şəhid olan Zərdab rayon Körpükənd sakini Turan Muradovun şəhidlik zirvəsinə ucaldığı gündən iki il keçir.
Qanunla.Az xəbər verir ki, Zərdab RİH başçısı Mərdan Camalzadə, Millət vəkili Jalə Əliyeva, RİHB-nın müavinləri, YAP-nın Zərdab rayon təşkilatının sədri İlkin Əliyev , icra Aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Zinhar Bayramov, RİHBA-nın məsul əməkdaşları, Gənclər və idman idarəsi, Gənclər evinin direktoru, kənd sakinləri, şəhid ailələri tərəfindən şəhidin məzarı ziyarət edilərək xatirəsi ehtiramla anılıb, məzarı üzərinə gül dəstələri qoyulmuş və ruhuna dualar oxunub.
Mərasimdə Zərdab Rayon İcra Hakimiyyətinin başçısı Mərdan Camalzadə və Millət vəkili Jalə Əliyeva çıxış edərək bildiriblər ki, Ali Baş Komandan cənab İlham Əliyevin rəhbərliyi ilə ötən il, sentyabrın 27-dən başlanan və şanlı Qələbə ilə sona çatan Vətən müharibəsi zamanı canlarını fəda edən oğullarımızın xatirəsinin əbədi qəlbimizdə yaşayacağını, dövlətimizin və xalqımızın hər zaman şəhidlərin əziz xatirəsini uca tutacağını və şəhid ailələrinin dövlətimizin daim diqqət və qayğısı ilə əhatə olunacağını bildiriblər.
Şəhidin əmisi onlara göstərilən diqqət və qayğıya görə Prezident İlham Əliyevə və vitse-prezident Mehriban xanım Əliyevaya təşəkkürlərini bildiriblər.
Vüqar Rəhimov
