Qanunla.Az xəbər verir ki, Zərdab rayon icra hakimiyyətinin başçısı Mərdan Camalzadə Zərdab rayonu aran zonasında yerləşdiyi üçün AzərSu ASC-nin rəhbərliyinə Zərdab rayonun küçələrində su bulaqlarının qoyulması ilə əlaqədar müraciət etmişdir.
AzərSu ASC-nin rəhbərliyi tərəfindən dərhal müraciətə reaksiya verilmişdir.
Zərdab rayon ərazisində dörd yol ayrıcında, Zərdabi adına parkda, bazar ərazisində, üç nömrəli məktəbin yanında su bulaqları quraşdırılıb əhalinin istifadəsinə verilmişdir.
Rayon sakinləri küçələrdə quraşdırılan su bulaqlarına görə İcra başçısına təşəkkür etmişlər.
Qeyd edək ki, Zərdab rayon küçələrində indiyədək su bulaqları olmamışdır.
Vüqar Rəhimov
