20 oktyabr 2022-ci il tarixində Zərdab rayon Mərkəzləşdirilmiş Kitabxana Sistemində yazıçı-publisist Yunus Oğuzun “Cığır” kitabının təqdimatı keçirildi.
Qanunla.Az xəbər verir ki, tədbirdə müəllif, Zərdab Rayon İcra Hakimiyyətinin əməkdaşı Tural Nağıyev, Zərdab rayon Gənlər və İdman İdarəsinin rəis müavini Əvəz Soltanov, Mərkəzi Kitabxananın , Zərdab Tarix-Diyarşünaslıq Muzeyinin və Həsən Bəy Zərdabi Muzeyinin əməkdaşları, Zərdab şəhər 2 və 3 nömrəli tam orta məktəbin şagirdləri,ziyalılar və gənclər iştirak ediblər.
Tədbirdə əvvəlcə Azərbayanın ərazi bütövlüyü uğrunda canlarından keçən qəhrəman Vətən oğullarının xatirəsi bir dəqiqəlik sükutla yad edilib.
Tədbirin aparıcısı Zərdab rayon Mərkəzləşdirilmiş Kitabxana Sisteminin direktoru Nailə Əliyeva Yunus Oğuz haqqında tədbir iştirakçılarına məlumat verdikdən sonra “Cığır” romanı müzakirə olunub. Mərkəzi Kitabxananın Oxuculara xidmət şöbəsinin Oxu zal müdiri,gənc yazar Leyla İsgəndərli Yunus Oğuzun həyat və yaradıcılığı barədə geniş məlumat verib.
Mərkəzi Kitabxananın İnformasiya- resurs şöbəsinin müdiri Rəqibə Qasımova, Zərdab rayon Gənclər və İdman İdarəsinin rəis müavini Əvəz Soltanov, Oxuculara xidmət şöbəsinin müdiri Mehparə Səfərəliyeva, Zərdab rayon İcra Hakimiyyətinin əməkdaşı Tural Nağıyev və başqaları çıxış ediblər.
Tədbirin sonunda Yunus Oğuz tədbir iştirakçılarına və Kitabxana fonduna “Cığır” romanını hədiyyə edib və xatirə şəkli çəkilib.
Mərkəzi Kitabxana İnformasiya-resurs şöbəsinin müdiri Rəqibə Qasımova