Şəhid ailəsinin fərdi yaşayış evi SOCAR “Azəriqaz” İB tərəfindən qazlaşdırıldı.
Qanunla.Az xəbər verir ki, SOCAR “Azəriqaz” İstehsalat Birliyi tərəfindən daha bir şəhid ailəsinin istəyi həyata keçirilib. Vətən müharibəsi şəhidi Elməddin Mustafayevin ailəsi fərdi yaşayış evinin qazlaşdırılması üçün Birliyə müraciət ünvanlayıb. Həssas qrup üzvlərinin qayğılarını daim diqqət mərkəzində saxlayan SOCAR “Azəriqaz” İB tərəfindən qısa zaman ərzində şəhid ailəsinin fərdi yaşayış evinə qaz xətti çəkilərək sayğac quraşdırılıb.
