Gəncliyə Dəstək” İctimai Birliyi Azərbaycan Respublikasının Gənclər Fondunun dəstəyi ilə “Region gənclərinin Karyera Qış Məktəbi” layihəsinin icrasına başlayıb.
Qanunla.Az xəbər verir ki,layihənin icra müddəti 3 ay olmaqla Zərdab və Ucar rayon gəncləri üçün həyata keçiriləcəkdir. Layihə çərçivəsində region gəncləri 3 günlük Karyera Qış Məktəbində iştirak edəcəklər. Məktəb zamanı gənclər karyera yüksəlişinə kömək edəcək müxtəlif yönümlü təlimlərdən və uğurlu karyera yolu cızmış gənclərin təcrübələrindən yararlanacaqlar.
Layihənin məqsədi region gənclərinin uğurlu karyera qurmalarına və peşəkar kadr kimi yetişmələrinə dəstək olmaqdan ibarətdir.
“Gəncliyə dəstək” İctimai Birliyinin sədri – Vəfa Xəlilli
