“DogruXeber.az” xəbər verir ki, bu gün “Neptun” mağazalar şəbəkəsinin 5 saylı filialında şəhidlərin xatirəsinə həsr olunmuş anım mərasimi keçirilib.
Saat 12:00-da başlanan tədbirdə əvvəlcə 1 dəqiqəlik sükutla şəhidlərimizin xatirəsi yad edilib, ardından Azərbaycan Respublikasının himni ilə tədbir açıq elan edilib.
Qeyd edək ki, mağazalar şəbəkəsinin rəhbərliyinin təşəbbüsü ilə keçirilən tədbirdə şəhid və qazi ailələri iştirak edib və iştirakçılar üçün mağaza tərəfindən ehsan süfrəsi açılıb.
Tədbirin sonunda tədbirdə iştirak edən müharibə veteranları və şəhid ailələri ilə xatirə şəkilləri çəkdirilib.
Allah şəhidlərimizə rəhmət eləsin, qazi və digər müharibə iştirakçılarını, eyni zamanda bütün əsgərlərimizi qorusun.
Tanrı Azərbaycanımızı qorusun.
Amin.
DogruXeber.az
