Aprel döyüşlərində şəhid olan XTQ giziri Pəncəli Teymurovun atası Nurməmməd Teymurov vəfat edib.
“Qanunla.az “ xəbər verir ki, bu barədə yaxınları sosial şəbəkədə məlumat paylaşıb.
Şəhid atası uzun sürən xəstəlikdən sonra dünyasını dəyişib.
Qeyd edək ki, əfsanəvi döyüşçü Pəncəli Teymurov 1999-cu ildən başlayaraq Xüsusi Təyinatlı Qüvvələrdə gizir kimi xidmət edib. XTQ-də xidmət etdiyi 17 il ərzində özünü çox bacarıqlı bir kəşfiyyatçı kimi göstərib. Dövlət tərəfindən çoxsaylı medallarla təltif olunub. 2016-cı ilin Aprel döyüşlərində qəhrəmancasına şəhid olub.
