Almaniya kansleri Olaf Şolts koronavirusa yoluxub.
Qanunla.Az xəbər verir ki, bu barədə Şolts özü X səhifəsində yazıb.
Onun sözlərinə görə, koronavirus testindən keçib və nəticə müsbət olub.
Almaniya hökumətinin rəsmisi Şteffen Hebeştrayt bildirib ki, xəstəlik səbəbindən Şoltsun sabah Slovakiya Baş naziri Robert Fitso ilə nəzərdə tutulan görüşü təxirə salınıb.
Qeyd edək ki, ötən gün Estoniya Baş naziri Kaya Kallas koronavirusa yoluxduğunu açıqlamışdı.
