Ermənistan Baş naziri Nikol Paşinyan AB ölkələrinin Ermənistanda akkreditə olunmuş səfirləri ilə görüşüb.
Qanunla.Az xəbər verir ki, bu barədə Ermənistan hökuməti məlumat yayıb.
Bildirilib ki, Paşinyan “Regionda mövcud olan problemlərin həllində beynəlxalq ictimaiyyətin dəstəyinin çox vacib olması” barədə danışıb, Qarabağdan “məcburi köçkün” düşmüş insanın humanitar problemlərindən, Ermənistan hökumətinin onların aradan qaldırılması üçün atdığı addımlardan bəhs edib.
Görüş zamanı Ermənistan-AB əməkdaşlığı və birgə proqramlarla məsələlər, Cənubi Qafqaz regionunda baş verən proseslərlə bağlı fikir mübadiləsi aparılıb, Mövcud problemlərin həllində beynəlxalq ictimaiyyətin dəstəyinin vacibliyi vurğulanıb.
Həmçinin regional təhlükəsizlik və sabitlik, Ermənistan-Azərbaycan münasibətlərinin nizamlanması prosesi ilə bağlı məsələlər müzakirə olunub.
Qeyd edək ki, KTMT-nin sammitindən imtina edən N.Paşinyanın məhz bu ərəfədə AB səfirləri ilə görüşünün mesaj olduğu da bildirilir.
