“HƏMAS hərəkatı böyük səhv edib və İsrailə qarşı müharibəyə başlayıb”
Qanunla.az xəbər verir ki, bunu İsrailin müdafiə naziri Yoav Qallant bildirib.
“Bu səhər HƏMAS ciddi səhv etdi və İsrail dövlətinə qarşı müharibəyə başladı. İDF əsgərləri bütün sızma bölgələrində düşmənlə vuruşur”, – ” Times of Israel” onun sözlərindən sitat gətirir.
Müdafiə idarəsinin rəisi də İsrailin bu müharibədə qalib gələcəyinə əminliyini ifadə edib.
Xatırladaq ki, oktyabrın 7-də səhər saatlarında İsrail Qəzza zolağından kütləvi atəşə məruz qalıb. Fələstin islamçı hərəkatı və 2007-ci ilin iyulundan Qəzza zolağına rəhbərlik edən HƏMAS siyasi partiyası buna görə məsuliyyəti öz üzərinə götürüb.
