Zərdabda Ulu öndərin anadan olmasının 98-ci ildönümü qeyd olunub.
Zərdabda Ulu Öndər Heydər Əliyevin anadan olmasının 98-ci ildönümü münasibətilə müxtəlif tədbirlər keçirilib.
Zərdab rayon icra hakimiyyətinin başçısı Mərdan Camalov, Başçısının birinci müavini Rəhman Feyzullayev,DTX-nin Zərdab rayon şöbəsinin rəisi Rüstəm Zakirov,polis şöbəsinin rəisi Azər Əfəndiyev,Səfərbərlik və Hərbi Çağrış üzrə Dövlət Xidmətinin Zərdab rayon şöbəsinin rəisi Asif Əhədov,icra hakimiyyətinin məsul işçiləri və hüquq-mühafizə orqanlarının əməkdaşları dahi şəxsiyyətin heykəli önünə gül dəstələri düzüb, xatirəsini ehtiramla yad ediblər. Ümummilli lider Heydər Əliyevin nadir tarixi şəxsiyyət olmaqla müstəqilliyimizin qorunub saxlanılmasında,dövlət təsisatlarının yaradılmasında, hüquqi dövlət və demokratik cəmiyyət qurulmasında, azərbayçançılıq məfkurəsinin formalaşmasında misilsiz xidmətlər göstərib.Hələ sovetlər dönəmində Azərbaycana rəhbərlik edərkən ulu öndər Heydər Əliyev xalq təsərrüfatının müxtəlif sahələrinin inkişafına nail olmaqla yanaşı,milli-mənəvi dəyərlərimizin qorunması,ziyalılara qiqqət və qayğının göstərilməsi,milli kadrların yetişdirilməsi kimi mühüm məsələləri diqqət mərkəzində saxlayıb.Heydər Əliyevin bizə irs qoyub getdiyi zəngin dövlətçilik təcrübəsi dərindən öyrənilməli və gənc nəslə təbliğ olunmalıdır.
Ulu öndər Heydər Əliyevin doğum günü münasibəti ilə Zərdabda iməcilik keçirilib.Tədbirlər çərçivəsində rayonda ağacəkmə kampaniyası da təşkil olunub. Kampaniyada müxtəlif idarə, müəssisə və təşkilat kollektivlərindən, ictimaiyyət nümayəndələrindən 150 nəfərdən artıq sakin iştirak edib. Aksiya iştirakçıları Heydər Əliyev və Sahil parklarında, Zərdab-Ucar avtomobil yolunun kənarında, şəhər ərazisində yenidən qurulan nümunəvi məhəllədə 750 ədəd müxtəlif növ ağaclar əkiblər.
Vüqar Rəhimov
