Kiyev humanitar dəhlizdən hərbi məqsədlər üçün istifadə etməmək vədini pozarsa, Moskva taxıl sazişlərindən çıxmaq hüququnu özündə saxlayır.
“Qanunla.az” xəbər verir ki, bu barədə Rusiya prezidenti Vladimir Putin Təhlükəsizlik Şurası ilə operativ iclasda bildirib.
Rusiya dövlət başçısı qeyd edib ki, Ukrayna taxıl dəhlizindən hərbi məqsədlər üçün istifadə etməyəcəyinə zəmanət verib: “Bununla əlaqədar mən Müdafiə Nazirliyinə tapşırıq vermişəm ki, bu işlərdə tam şəkildə iştirakımız bərpa olunsun. Hamı bilir ki, təəssüf ki, Ukrayna bu humanitar dəhlizdən Rusiyanın Qara dəniz donanmasına zərbə endirmək üçün istifadə edib. Bununla əlaqədar biz taxıl ixracında iştirakımızı dayandırmaq qərarına gəldik”.
Putin xüsusi olaraq vurğulayıb ki, taxıl sövdələşməsi ən kasıb ölkələrin ərzaq təhlükəsizliyi maraqlarını təmin etmək bəhanəsi ilə həyata keçirilib, lakin onlara taxılın yalnız 4 faizi Ukrayna ərazisindən verilib: “Qalanları, əsasən, 46 faizi Avropa İttifaqı ölkələrinə gedib”.
