Şahmatçılarımızın beynəlxalq yarışlarda qazandıqları nailiyyətlərin sayı gündən-günə artır, dünya və Avropa çempionatlarında, beynəlxalq turnirlərdə qazanılan qələbələr respublikamızın gəncləri arasında şahmata marağı daha da artırır. Ölkəmizdə şahmatın inkişafına böyük diqqət yetirən Prezident İlham Əliyevin dəstəyi sayəsində yalnız paytaxt Bakıda deyil, bölgələrdə də nüfuzlu şahmat yarışları keçirilir, dünyanın ən tanınmış şahmatçılarının bu yarışlarda iştirakı Azərbaycanın onun hüdudlarından kənarda da tanıdılmasında mühüm rol oynayır.
Qanunla.Az xəbər verir ki, ümummilli lider Heydər Əliyevin anadan olmasının 100-cü ildönümünə həsr olunmuş
“Heydər Əliyev – Bir əsrə bərabər ömür“ devizi altında “Təmiz Qaz” QSC-nin işçiləri arasında şahmat turniri keçirilmişdir.
Təmizqaz QSC nin direktoru Xətai Hətəmov qaliblərə uğurlar arzulayıb.
I,II,III yerlərin qalibləri rəhbərlik tərəfindən mükafatlandırılaraq FƏXRİ FƏRMAN-la təltif olunublar.
