Kosovo ilə sərhəddə gərginliyin artması fonunda Serbiya prezidenti Aleksandr Vuçiç vətəndaşlara müraciət edib.
“Qanunla.az” xəbər verir ki, o, bununla bağlı dövlət televiziyasında çıxış edib.
Onun sözlərinə görə, ölkə hakimiyyəti Kosovodakı gərginliyi azaltmağa çalışır. O, həmçinin bölgədəki gərginlik fonunda göstərdiyi dəstəyə görə Moskvaya təşəkkür edib.
“Biz Baş Qərargahda görüşü başa vurduq, ondan əvvəl general Mojiloviç NATO-nun Kosovodakı missiyasının (KFOR) komandiri ilə danışdı və bu söhbət tamamilə doğru idi. KFOR komandiri Kosovska Mitrovitsaya gəlməli və Kosovo serblərinin lideri Rakiçlə danışmalıdır. Ümid edirəm ki, Albaniyanın “məsuliyyətsiz” tərəfi (üçüncü tərəfin) arqumentlərindən təsirlənəcək. Ümid edirəm ki, sabah dialoqun köməyi ilə biz sülhün qorunması üçün əlverişli vəziyyətə gətirib çıxaracaq kompromis qərarlar əldə edə biləcəyik. Kosovonun şimalındakı serblərə təmkin və cəsarətlərinə görə təşəkkür edirəm”.
Bundan əvvəl NATO-nun Kosovodakı missiyası “Kosovonun şimalında sabitliyə təhlükə yaranarsa” müdaxiləyə hazır olduğunu bəyan edib.
