Gənclərin İnkişaf və Karyera Mərkəzinin Salyan nümayəndəliyində gənclər üçün “Uğurlu CV yazmağın yolları” adlı təlim keçirilib.
Qanunla.Az xəbər verir ki, GİKM-in Salyan nümayəndəliyinin əməkdaşı Natiq Həsənzadə gənclərə “Uğurlu CV yazmaq”, “CV-nin quruluşu və məlumat ardıcıllığı”, “CV-ni vakansiyalara uyğunlaşdırma”, “CV hazırlamaq üçün ödənişsiz saytlar” və “CV-nin göndərilmə qaydaları və əlavə məsləhətlər” mövzuları haqqında məlumat verib.
Təlimin praktiki hissəsində gənclər CV hazırlayıb və təqdim ediblər. Daha sonra təqdimat ətrafında müzakirə aparılıb.
Təlimin keçirilməsində məqsəd gənclərin iş axtarma prosesinin düzgün aparılmasına töhfə verməkdir.
