Rusiyada prezidentlə vidalaşa bilərlər. Təbii ki, Vladimir Putinin özü ilə deyil, sadəcə olaraq “prezident” termini ilə. Dövlət Duması hesab edir ki, ölkə başçısını “hökmdar” adlandırmaq daha yaxşıdır.
“Qanunla.az” xarici KİV-ə istinadən xəbər verir ki, bu barədə “FreeDom” layihəsinin süjetində deyilir.
“Dövlət başçısı vəzifəsinin adı bizi həmişə çaşdırıb. İcra başçısı mənasında “prezident” termini ilk dəfə yalnız 18-ci əsrin sonunda ABŞ-da istifadə edilib. Bizdə isə tarixi standartlara uyğun olaraq, bu tamamilə yeni bir sözdür və kök alana qədər onu təhlükəsiz şəkildə “hökmdar” ilə əvəz etmək olar”, – Rusiya Dövlət Dumasının hesabatında deyilir.
Belə ki, Rusiya Federasiyasında “prezident”in adının dəyişdirilməsi ideyası çoxdan yaranıb. Kreml Rusiya Konstitusiyasına dəyişiklik edilməsi və prezident vəzifəsinin “ali hökmdar” adlandırılması təklifinə baxılacağını bildirib.