İyun ayında döyüşçü yoldaşları ilə Rusiya hökumətinə qarşı silahlı çevrilişə cəhd edən “Vaqner”in qurucusu Yevgeni Priqojin üsyandan sonra ilk dəfə görüntüsünü paylaşıb.
“Qanunla.az” xarici KİV-ə istinadən xəbər verir ki, 50 dərəcəni keçən bir temperaturda olduqlarını bildirən Priqojin, Afrika başda olmaqla bütün qitələrdə Rusiyanı daha da böyütdüklərini bildirib.
“Ədalət və xoşbəxtlik! İŞİD, Əl-Qaidə və digər quldurların həyatını Afrika xalqı üçün kabusa çeviririk”, – deyə Priqojin bildirib.
Xatırladaq ki, Priqojin öz döyüşçü yoldaşları ilə iyun ayında Rusiya hökumətinə qarşı silahlı üsyan edib. O, Rusiya Müdafiə Nazirliyini onun şirkətinin mövqelərinə zərbələr endirməkdə ittiham edib. Üsyan Belarus prezidenti Aleksandr Lukaşenkonun müdaxiləsi ilə başa çatıb.
