Prezident Ərdoğan Tehranda Rusiya Prezidenti Putin və İran Prezidenti İbrahim Rəisi ilə görüşəcək.
“Qanunla.az” xəbər verir ki, Kremlin sözçüsü Dmitriy Peskov İran prezidenti İbrahim Rəisi, Rusiya prezidenti Vladimir Putin və prezident Rəcəb Tayyib Ərdoğanın iyulun 19-da İranın paytaxtı Tehranda üçtərəfli görüş keçirəcəklərini açıqlayıb.
Sammitin təfərrüatları ilə bağlı açıqlama verən Peskov, “Üçlü görüşlə yanaşı, əlbəttə ki, ikitərəfli görüşlər də olacaq:
Dünən Putin və Ərdoğan arasında yüksək səviyyəli təmasların olacağını açıqlamışdıq. Görüş də keçiriləcək. Tehran səfərinə hazırlıq görülür. Burada Astana prosesinin qarant ölkələrinin liderləri arasında görüş olacaq. Məlum olduğu kimi, bu Suriyaya sabitlik gətirmək üçün proses çərçivəsindədir” deyə Peskov bildirib.
