Mümkün sülh müqaviləsi layihəsində bir neçə bənd üzrə razılıq əldə edilib.
Qanunla.az xəbər verir ki, bunu Ermənistan xarici işlər naziri Ararat Mirzoyan Azərbaycan XİN rəhbəri Ceyhun Bayramov və Rusiya xarici işlər naziri Sergey Lavrovun da iştirakı ilə Moskvada keçirilən üçtərəfli görüş zamanı deyib.
Erməni diplomat onu da əlavə edib ki, bununla yanaşı regionda kommunikasiyaların açılması, sərhədlərin 1991-ci il “Alma-Ata Bəyannaməsi”nə əsaslanan sonrakı delimitasiya prosesində də irəliləyişlər əldə olunub.
Mirzoyan qeyd edib ki, sonuncu məsələ ilə bağlı bir sıra parametrlərin konkretləşdirilməsi üzərində işləmək lazımdır.
