Ekvadorun paytaxtı Kiotoda prezidentliyə namizəd Fernando Villavicencio seçki mitinqindən sonra öldürülüb.
Qanunla.az xarici KİV-ə istinadən xəbər verir ki, naməlum şəxslər Fernandoya atəş açıblar. Nəticədə o, başından üç güllə yarası alaraq həyatını itirib.
Siyasətçinin ölümünü ölkə prezidenti Gilermo Lasso təsdiqləyib.
İnsident nəticəsində daha 8 nəfər yaralanıb. Onlardan 7-si xəstəxanaya yerləşdirilib. Polislər hücumda şübhəli bilinən şəxsin də öldüyünü açıqlayıb.
Son sorğulara görə, Villavicencio prezidentlik uğrunda mübarizədə qalib gəlmək üçün kifayət qədər səs toplaya bilməyib.
Ekvadorda seçkilər avqustun 20-də keçiriləcək.
