“Heç bir ölkə Rusiyanın Ukraynaya təcavüzü qarşısında kənarda qala bilməz”.
“Qanunla.az” xəbər verir ki, bunu Avropa İttifaqının diplomatiya rəhbəri Jozef Borrell G20 xarici işlər nazirlərinin iclasının açılışında deyib.
“Belə aqressiya qarşısında heç kim neytral qala bilməz. Qeyri-qanuni güc tətbiqinin normal və ya dözümlü olduğu bir dünyada heç kim özünü təhlükəsiz hiss edə bilməz. Rusiyanın təcavüzü beynəlxalq hüququn kobud şəkildə pozulmasıdır, dünya nizamının parçalanmasına gətirib çıxarır və qlobal iqtisadiyyatın bərpasını təhlükə altına alır”, – deyə o çıxışında qeyd edib.
