Birləşmiş Millətlər Təşkilatının (BMT) baş katibi Antonio Quterreş taxıl müqaviləsinin hazırkı vəziyyətini şərh edib.
Qanunla.az TASS-a istinadən xəbər verir ki, Quterreş mətbuat konfransında taxıl müqaviləsinin bərpasına çağırıb və bu məqsədi BMT-nin əsas hədəflərindən biri hesab edib.
“Biz bu gün beynəlxalq ticarətin arxitekturası səviyyəsində mövcud olan bir sıra məhdudiyyətləri aradan qaldırmaq üçün mümkün olan hər şeyi etməliyik, yəni burada əsas məqsədlərdən biri Qara dəniz təşəbbüsünü bərpa etməkdir”, – deyə BMT-nin baş katibi vurğulayıb.
