BMT-nin Ticarət və İnkişaf Konfransının rəhbəri Rebeka Qrinspan bu həftə Rusiyada ərzaq və gübrə, o cümlədən ammonyak ixracının təmin edilməsini müzakirə edəcək.
“Qanunla.az” xəbər verir ki, bu barədə bazar ertəsi keçirilən brifinqdə dünya təşkilatının baş katibinin rəsmi nümayəndəsi Stefan Düjarrik bildirib.
“Rebeka Qrinspan və komandası bu həftənin sonunda Rusiya hakimiyyət orqanları ilə müntəzəm təmasların bir hissəsi olaraq Moskvaya səfər edəcək. Diqqət rus ərzaq və gübrələrin, o cümlədən ammonyakın rahat ixracını təmin etmək səylərimizə yönəldiləcək”.
