İspaniyanın “Palma” klubunda çıxış edən Azərbaycan millisinin futzalçısı Rafael Vilela karyerasını Rusiyada davam etdirməyə yaxındır.
“Qanunla.az” “Ultimahora” nəşrinə istinadən xəbər verir ki, “Tümen” 29 yaşlı oyunçunu heyətinə qatmaq istəyir.
Malyorka təmsilçisi Vilelanın gedişinə mane olmağa çalışır. Lakin Rusiya klubu transfer pəncərəsi fevralın 22-dək açıq olduğundan bu keçidi gerçəkləşdirmək üçün israrlıdır.
“Tümen” Braziliya əsilli oyunçunun “Palma” ilə müqaviləni ləğv etməsi üçün lazım olan məbləği də ödəməyə hazırdır.
