“Almaniya önümüzdəki aylarda əhəmiyyətli problemlərlə üzləşəcək”.
“Qanunla.az” xarici KİV-ə istinadən xəbər verir ki, bu sözləri Almaniya kansleri Olaf Şolts illik yay mətbuat konfransı zamanı jurnalistlərə deyib.
Rusiyanın Ukraynaya qarşı müharibəsindən qaynaqlanan yanacaq qiymətlərinin artması Almaniyada və onun hüdudlarından kənarda bir çox insan üçün ciddi maliyyə gərginliyi yaradıb, mümkün qış narazılıqları ilə bağlı narahatlıqları artırıb.
O, hökumətin sakinlərin maliyyə çətinliklərini yüngülləşdirmək və Rusiya neftini, kömürünü və qazını əvəz edəcək alternativ enerji təchizatını təmin etmək üçün artıq qəbul etdiyi çoxsaylı tədbirləri misal çəkdi.
