Silahların çatdırılması gecikməməlidir, çünki bu, dünyanı rus işğalçılarından xilas edən insanların həyatı ilə ölçülür.
Qanunla.Az xəbər verir ki, bunu Ukrayna Silahlı Qüvvələrinin komandanı Valeri Zalujnı deyib.
“Bizim üçün çox ağırdır, amma dözürük. Cəbhənin hər sahəsi, hər yaşayış məntəqəsi uğrunda döyüşürük. Qərbin silah və texnikası düşməni torpağımızdan sıxışdırıb çıxarmaqda bizə kömək edir. Biz göstərilən beynəlxalq texniki yardıma görə minnətdarıq. Eyni zamanda, düşməni uzaq məsafədən vurmağa imkan verəcək silahlara da böyük ehtiyacımız var. Bunu isə gecikdirmək olmaz, çünki gecikmənin qiyməti dünyanı faşizmdən müdafiə edən insanların həyatı ilə ölçülür”, – Zalujnı bildirib.
