Sudanda silahlı münaqişənin tərəfləri – Sudan ordusu və çevik reaksiya qüvvələri (xüsusi təyinatlılar) arasında əldə edilmiş birhəftəlik humanitar atəşkəs qüvvəyə minib.
“Qanunla.az” xəbər verir ki, bu barədə “Al-Hadath” telekanalı məlumat yayıb. Məlumata görə, atəşkəs qüvvəyə minməzdən əvvəl Xartumda partlayış səsləri bir müddət eşidilib. Hazırda paytaxtda sükut hökm sürür.
Əldə edilən razılaşmaya əsasən, mülki əhalinin təhlükəsiz çıxarılması və humanitar yardımın paylanması məqsədilə hərbi əməliyyatlar yaxın 7 gün ərzində dayandırılacaq.
