Krımı Rusiya ilə birləşdirən Krım körpüsünün dağıdılması bu gün mümkün deyil.
Qanunla.Az xəbər verir ki, bunu Ukrayna Prezident Ofisi rəhbərinin müşaviri Aleksey Arestoviç deyib.
“Krım körpüsü strateji əhəmiyyət kəsb edən, dağıdılmaması üçün xüsusi hazırlanmış və örtülmüş bir kapital strukturudur. Orada ən azı iki hava hücumundan müdafiə briqadası fəaliyyətdədir. Bu, çox ciddi bir tikilidir. Onu nə qədər dəqiq vursanız belə, dağılır, lakin aralıqlar xüsusi mühəndis alətləri ilə çox tez bərpa olunur”, – A.Arestoviç qeyd edib.
Qeyd edək ki, Ukrayna daxili işlər nazirinin müşaviri Viktor Andrusiv Krım körpüsünün nə vaxtsa mütləq dağıdılmalı olduğunu bildirmişdi.
