Aİ ölkələri Hindistanın emal olunmuş Rusiya neftinin satışına qarşı sanksiyalar tətbiq etməlidir.
“Qanunla.az” xəbər verir ki, bunu Avropa diplomatiyasının nümayəndəsi Cozef Borrell deyib.
Onun sözlərinə görə, keçən il Hindistan Rusiya neftinin ən böyük alıcısı olub. Rusiya Federasiyasından ucuz neftə çıxış Hindistan neft emalı zavodlarının istehsalını və mənfəətini artırdı – bu, onlara neft məhsullarını Avropaya ixrac etməyə imkan verdi.
“Əgər dizel və ya benzin Avropaya Hindistandan gəlirsə və Rusiya neftindən hazırlanırsa, bu, sanksiyalardan yayınmadır və üzv dövlətlər tədbir görməlidir”, – Avropa İttifaqının ali nümayəndəsi bildirib.
