Avropa Komissiyasının sədri Ursula fon der Lyayen Ukraynanın Avropa İttifaqına daxil olmasını Kiyev üçün təhlükəsizliyin möhkəm təminatı və sülhün bərqərar olması istiqamətində atılmış addım olacağını bildirib.
Qanunla.Az xəbər verir ki, bu barədə “Eurointegration” nəşri məlumat verib.
“Biz Ukraynanın birliyimizə üzvlük yolunu sürətləndirməliyik. Bu, təkcə Ukraynanın istəyi deyil, təhlükəsizliyin ən güclü təminatı ola bilər”, – deyə fon der Lyayen bildirib.
O, Ukraynadakı münaqişənin gec-tez bitəcəyini, lakin onun nəticələrinin Avropa qitəsinin növbəti bir neçə nəslinin gələcəyini formalaşdıracağını vurğulayıb.
