Avstriyadakı 250-300 rus diplomatdan ən azı 100-ü bu ölkədə diplomatik pərdə altında çalışan Rusiya xüsusi xidmət orqanlarının əməkdaşları ola bilər.
Qanunla.Az xəbər verir ki, bu barədə macar araşdırmaçı jurnalist Sabolç Pani məlumat yayıb.
“Martın əvvəlində Mərkəzi Avropa ölkələrindən birinin kəşfiyyatının rəhbəri hökumət rəsmilərinə qapalı iclasda deyib ki, Avstriyada olan 250-300 Rusiya diplomatik əməkdaşından təxminən 100-ü məxfi agent olmaqda və işləməkdə şübhəli bilinir”, – , deyə o qeyd edib.
Paninin sözlərinə görə, bu məlumatı “çoxlu dövlət rəsmiləri və təhlükəsizlik ekspertləri də təsdiqləyiblər, onlardan bəziləri öz ölkələrinin kəşfiyyat orqanları ilə əlaqələri var”.
