Bakıda evdən 5000 manat pul oğurlanıb.
Qanunla.az xəbər verir ki, bu barədə Daxili İşlər Nazirliyinin (DİN) mətbuat xidmətindən məlumat verilib.
Bildirilib ki, Xəzər RPİ-nin 2-ci Polis Şöbəsinə iyunun 10-da Buzovna qəsəbəsindəki evlərin birindən 5000 manat pulun oğurlanması barədə müraciət daxil olub.
Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən Bakı şəhər sakinləri E.Məzahirli və K.Nağıyev müəyyən edilərək saxlanılıblar. Araşdırma aparılır.
