Xəbər verdiyimiz kimi, İmişli rayon Aranlı kənd 1 saylı tam orta məktəbində ayaqyolu yoxdur. Bununla bağlı məktəbin müəllimi öz etirazını bildirib.
“Qanunla.az” xəbər verir ki, Leyla adlı müəllim məsələ ilə bağlı videoaçıqlama yayaraq məktəb direktorunun ünvanına ittihamlar səsləndirib:
“2-3 ay əvvəl çəkilib, kim yaydı bilmirəm. Amma xeyrimizədir. Məktəbin problemlərini gizlədirəmsə, mənə ayıb olsun. Amma siz gizlədirsinizsə, sizə eyib olmasın? Bir qarabağlı olaraq bunu etməliydim. Direkor deyir ki, Leyla müəllim məşhurlaşmaq istəyir. Müğənni deyiləm məşhurlaşım. Məktəbdə nə oldusa, siz gələndən sonra oldu. Siz orada banda yaratdınız, təhsilin səviyyəsi aşağı düşdü. O, məktəbdə yeganə müəlliməm ki, şagirdlərinin bilik səviyyəsi yüksəkdir. Şagirdlərə görə hər şey edəcəm. Siz gəlib orada oturandan sonra hər şey dəyişdi. Qohumlarının adını yazdırıb, əlavə pullar alırsınız”.
