Özbəkistan Mərkəzi Seçki Komissiyasının (MSK) bu gün keçirilən iclasında oktyabrın 24-də keçirilmiş prezident seçkilərində hazırkı dövlət başçısı Şövkət Mirzoyeyevin qələbəsi rəsmiləşdirilib.
MSK-nın yekun protokoluna görə, Özbəkistan Liberal Demokrat Partiyasının sədri seçici səslərinin 80,12 faizini qazanıb.
Mərkəzi Seçki Komissiyasının sədri Zeynəddin Nizamxocayev bildirib ki, səsvermədə iştirak edən 16 212 343 seçicinin 12 988 964 nəfəri Ş.Mirzoyeyev lehinə səs verib.
