Dünyanın ən böyük çəhrayı almazlardan biri olan “Fortune” Cenevrədəki “Christie’s” hərracında 35 milyon dollara satılıb.
“Qanunla.az” xəbər verir ki, bu barədə “The Express Tribune” nəşri məlumat yayıb.
“Almazın çəkisi 18,18 karatdır, bu, şübhəsiz ki, Asiya kolleksiyaçıları üçün son dərəcə uğurlu rəqəmdir. Artıq dünyanın hər yerindən böyük maraq var. Rəngi müstəsnadır. Əsl parlaq çəhrayı və saf daşdır. Bu, həqiqətən də qiymətli daşdır və bizim “Christie’s”də çoxdan görmədiyimiz bir şeydir”, – Cenevrədəki zərgərlik şöbəsinin rəhbəri Maks Favcett bildirib.
Çəhrayı almaz 25-35 milyon dollar dəyərində qiymətləndirilir. “Christie’s”də satılan ən böyük almaz 2018-ci ildə 50,4 milyon dollara satılaraq dünya rekordu vuran 18,96 karatlıq “Uinston Pink Legacy”dir.
