Hesablama Palatasına yeni auditor təyin olunub.
“Qanunla.az” xəbər verir ki, Milli Məclisin bu gün keçirilən plenar iclasında “Azərbaycan Respublikası Hesablama Palatasının auditorunun təyin edilməsi haqqında” məsələ müzakirə olunub.
Layihəyə əsasən, Vüqar Emin oğlu İbrahimovun Hesablama Palatasının auditoru vəzifəsinə namizədliyi irəli sürülüb.
Məsələ səsverməyə çıxarılaraq qəbul edilib.
Qeyd edək ki, V.İbrahimov 2007-ci ildən Hesablama Palatasında çalışır. Hazırda isə palatanın Aparat rəhbəridir.
