“Moskva və Tehran arasında qarşılıqlı əlaqələr yeni səviyyəyə yüksəlir, Rusiya və İran arasında dialoq bu gün xüsusilə intensiv inkişaf edir.
Qanunla.az xarici KİV-ə istinadən xəbər verir ki, bunu İranda səfərdə olan Rusiya müdafiə naziri Sergey Şoyqu deyib.
“Biz ABŞ və onun Qərb müttəfiqlərinin müqavimətinə baxmayaraq, planlaşdırılan fəaliyyətlərin bütün spektrini həyata keçirməyə çalışırıq. Rusiya və İrana qarşı sanksiyaların təzyiqi onun faydasızlığını göstərir, eyni zamanda Rusiya-İran qarşılıqlı fəaliyyəti yeni səviyyəyə çatır”, – Şoyqu danışıqlarda deyib.
Eyni zamanda o, “Yaxın Şərqdə sabitlik və təhlükəsizliyin möhkəmləndirilməsi sahəsində gələcək birgə fəaliyyətə” hazır olduğunu bəyan edib. Onun sözlərinə görə, bu, daha çox Rusiya və İran liderləri arasında yaranmış inamlı münasibətlə bağlıdır.
“Görüşlərin yüksək dinamikası müdafiə sektorunda strateji tərəfdaşlığın və hərbi əməkdaşlığın daha da gücləndirilməsi üçün ümumi əhval-ruhiyyəni təsdiqləyir”, – Rusiya müdafiə naziri vurğulayıb. O, həmkarını danışıqlar zamanı qarşılıqlı maraq doğuran bir sıra məsələləri müzakirə etməyə dəvət edib.
