Polşa ilə Ukrayna arasında münasibətləri gərginləşdirən Ukrayna taxılının tranziti məsələsi Varşavanın Ukrayna böhranından ümumi yorğunluğunu göstərdi.
Qanunla.Az xəbər verir ki, bu barədə Amerikanın “Washington Post” nəşri növbəti yazısında məlumat dərc edib.
KİV bildirir ki, qonşuların silahlı münaqişəsi Polşanı həm emosional, həm də iqtisadi cəhətdən tükəndirib.
“Ukrayna ilə Polşa arasında taxılla bağlı gərginlik yorğunluğa və səbrlərinin tükənməsinə işarə edir”, – məqalədə qeyd edilir.
Məqalə müəllifləri vurğulayırlar ki, əgər bir il əvvəl Varşava ilə Kiyev arasında münasibətlər daha isti idisə, indi daha çox ziddiyyətlər var.
