Əsl müstəqillik məhz odur ki, sən müstəqil siyasət apara biləsən
Tarix boyu işğalçılıq, qisasçılıq mövqeyində olan, qonşu dövlətlərlə münaqişəni hobbisinə çevirən və imperialist qüvvələrin əlində oyuncaq olan Ermənistanın hansı vəziyyətə düşdüyü göz qabağındadır, bu vəziyyət onların işğalçılıq siyasətinin nəticəsidir. Ermənistan özü nə hərbi, nə siyasi, nə iqtisadi cəhətdən hətta orta səviyyəli dövlət sayıla bilməz.
Zəngilanın Ağalı kəndində cənab Prezidentimiz öz çıxışında qeyd etdi ki, “Əsl müstəqillik məhz odur ki, sən müstəqil siyasət apara biləsən. 1993-cü ildən başlayaraq xalq Ulu Öndərə müraciət edib onu hakimiyyətə dəvət edəndən sonra əsl müstəqillik həyatımız başlamışdır. Bu gün iqtisadi göstəricilərimiz çox müsbətdir. Dünya miqyasında bu il ən sürətlə inkişaf edən ölkələrdən biri Azərbaycandır.
Azərbaycan həmçinin iqtisadi cəhətdən müstəqil ölkədir və dövrümüzdə İqtisadi cəhətdən müstəqil ölkələrin sayı o qədər də çox deyil. Ancaq Azərbaycan tam müstəqildir və heç bir yardıma, kreditə ehtiyacı yoxdur”.
Zərdab Rayon Gənclər və İdman İdarəsinin əməkdaşı- Xəlilov Kamal
