“12 avqust – Beynəlxalq Gənclər Günü” münasibəti ilə Mərkəzi Aran Regional Gənclər və İdman İdarəsinin Zərdab rayonu üzrə gənclər və idman sektorunun və Zərdab “Gənclər Evi” SXM-nin birgə təşkilatçılığı ilə “Gənclik gələcəkdir” devizi ilə festival təşkil olundu.
Qanunla.Az xəbər verir ki, avqustun 11-də Zərdab şəhər Heydər Əliyev parkında təşkil edilmiş festival çərçivəsində vətənpərvərlik güşəsi, yaradıcı gənclərin rəsm və əl işlərindən ibarət sərgi, əyləncəli və intellektual oyunlar, rəqs nümunələri nümayiş olundu, qolgüləşi və şahmat idman növləri üzrə yarışlar, istedadlı gənclərin iştirakı ilə konsert proqramı həyata keçirildi.
